- 61 -

1375. Oktober 28.

In n. d. a. Noverint universi presencium noticiam habituri Quod coram nobis Johanne d. g. Opauie et Rathiborie Duce Magister Consulum Nicolaus Messersmett, Consules Johannes Heszynkynth, Nicolaus de Studen, Hanel Falkyl et Henselinus Smeysrime cum Scabinis operariorumque magistris Civitatis nostre Rathibor suis et omnium Civium seu singularum personarum dicte nostre Civitatis nominibus presencialiter constituti nobis supplicarunt affectuose, ut cum id eorum necessitas exigeret, vendicioni subscripte nostrum Consensum dare et apponere dignaremur, nobis vendicionem huiusmodi exponentes, quod ipsorum utilitate swadente Religiosis viris Dominis et fratribus vid. Priori et Conventui Monasterij S. Jacobi in R. sub voto S. Dominici ord. Pred. Censum Trium Marcarum Pol. num. currentis monete pro xxxta Marcis Similium predictarum ipsis venditoribus iam datis in parata pecunia et persolutis iusto reempcionis titulo interveniente vendidisse, tollendum et dandum dictum censum de singulis ipsorum bonis et redditibus in dicta nostra Civitate R. ubicunque et in quibuscunque locis consistant, in termino subscripto vid. in festo S. Martini Sub a. d. 1375. tunc instanti, in quo primo dicti venditi Census Solucio instabit, et sic deinceps singulis annis futuris temporibus eundem Censum trium Marcarum dare et solvere tenebuntur dicti Consules Et eorum successores Consules qui p. t. fuerint in dicta nostra Civitate presidentes. Nos vero dictus Johannes d. g. dux ad instantem peticionem fidelis nostri d. Pasckonis Strenui Militis de Baruczwerde, qui dictum Censum pro Salute sua et omnium amicorum suorum in testamentum comparavit, de licencia nostra speciali voluntarie dictam vendicionem et reempcionem sic fiendam consentimus. In cuius rei testimonium tam nostrum quam Civitatis nostre predicte Sigilla presentibus sunt appensa. Actum et datum a. d. 1375. in die beatorum Symonis et Jude Appostolorum, Presentibus fidelibus nostris Nicolao Goczonis Advocato in Rathibor, Jankone de Cornicz Camerario nostro, Dobuszio de Torkaw et Johanne Oderberg notario Civitatis supradicte et alijs multis.
Copiata autem est hec littera a. d. 1432 per fr. Clementem de Opol Studentem Bononiensem tempore prioratus Reverendi patris fr. Joh. Lobynsteyn lectoris sacre theologie in die S. Agapiti Anno ubi supra super tres Marcis ex parte d. Paschkonis de Oderberg Strenui Militis a consulibus tollendis.

Aus dem Copialbuch der Dominikaner.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.